ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ
ⵉⴳⴰ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ ⵢⴰⵜ ⵜⵎⵍⴷⴰ ⴰⵔ ⵜⴻⵜⵜⵉⵍⵉ ⴽⵔⴰⵢⴳⴰⵜ ⴰⵙⴳⴳⵯⴰⵙ ⴳ ⵡⴰⵙⵙ ⵏ 30 ⵛⵓⵜⴰⵏⴱⵉⵔ, ⵍⵍⵉ ⵉⴳⴰⵏ ⴰⵙⵙ ⵏ ⵓⴳⵔⵔⴰⵎ ⵊⵉⵔⵓⵎ. ⴰⵔ ⴼⵍⵍⴰⵙ ⵜⴻⵜⵜⴰⵡⵣ ⵜⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ ⴷ ⵜⵎⵙⵎⵓⵏⵉⵏ ⵢⴰⴹⵏⵉⵏ ⵏ ⵉⵎⵙⵙⵓⵖⵍⵏ ⴷ ⵉⵎⴼⴰⵙⵔⵏ.
ⵜⵙⵙⵏⵜⵉ ⵜⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ ⴰⵙⵓⵙⵙⵏ ⵙ ⵉⵙⴼⵓⴳⵍⵓⵜⵏ ⵙⴳ ⵍⵍⵉⵖ ⵜⴻⵜⵜⵓⵙⵔⵙⵍ ⴳ 1953. ⴳ 1991, ⵜⴼⵙⵔ ⵜⵎⵓⵏⵜ ⵜⴰⵡⵏⴳⵉⵎⵜ ⵏ ⵓⵙⵉⴽⵣ ⴰⵎⴰⴷⴷⵓⴷ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ ⴰⴼⴰⴷ ⴰⴷ ⵜⵉⵍⵉ ⵜⵡⵉⵣⵉ ⴳⵔ ⵉⵎⵙⵙⵓⵖⵍⵏ ⴳ ⵓⵎⴰⴹⴰⵍ ⴷ ⴰⴷ ⵜⴻⵜⵜⵢⵉⵙⵙⵉⵏ ⵜⵡⵓⵔⵉ ⵏⵏⴰ ⵙⴽⴰⵔⵏ ⵎⴰⵙ ⴷⴰⵔⵙ ⵉⵍⵍⴰ ⵡⴰⵜⵉⴳ ⵎⵇⵇⵓⵔⵏ ⴳ ⵓⵣⵎⵣ ⵏ ⵜⵙⵎⴰⴹⴰⵍⵜ.
ⴰⵙⵜⴰⵢ ⵏ ⵡⴰⵙⵙ ⵏ 30 ⵛⵓⵜⴰⵏⴱⵉⵔ
ⵉⵜⵜⵓⵙⵜⴰⵢ ⵡⴰⵙⵙ ⵏ 30 ⵛⵓⵜⴰⵏⴱⵉⵔ ⴰⴷ ⵉⴳ ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ ⴰⵛⴽⵓ ⵉⴳⴰ ⴰⵙⵙ ⵏ ⵓⴳⵔⵔⴰⵎ ⵊⵉⵕⵓⵎ, ⵏⵏⴰ ⵉⴳⴰⵏ ⴰⵎⵙⵙⵓⵖⵍ ⵏ ⵢⵉⵏⵊⵉⵍ. ⵉⵜⵜⵓⵙⵙⴰⵏ ⵙ ⵓⴳⵔⵔⴰⵎ ⵏ ⵉⵎⵙⵙⵓⵖⵍⵏ, ⵉⴳ ⵢⴰⵏ ⵓⵕⵀⵉⴱ ⵙⴳ ⵓⴳⴰⴼⴰ ⵏ ⵉⵎⵉⵏⵉⴳ ⵏ ⵟⴰⵍⵢⴰⵏ, ⵉⵜⵜⵓⵙⵙⴰⵏ ⴽⵉⴳⴰⵏ ⵙ ⵜⵓⴳⴳⴰⵙ ⵏⵏⵙ ⴳ ⵓⵙⵓⵖⵍ ⵏ ⵉⵏⵊⵉⵍ ⵖⵔ ⵜⵓⵜⵍⴰⵢⵜ ⵜⴰⵍⴰⵜⵉⵏⵜ ⵙⴳ ⵡⴰⵔⵔⴰⵜⵏ ⵉⴳⵔⵉⴽⵏ ⵏ ⵢⵉⵏⵊⵉⵍ ⵡⵉⵙⵙ ⵙⵉⵏ ⵍⵍⵉ ⵉⵜⵜⵢⴰⵔⴰⵏ ⵙ ⵜⵓⵜⵍⴰⵢⵜ ⵜⴰⴳⵔⵉⴽⵜ. ⵉⵙⵙⵓⵖⵍ ⵓⵍⴰ ⵎⵏⵏⴰⵡ ⵉⴳⵣⵣⵓⵎⵏ ⴳ ⵢⵉⵏⵊⵉⵍ ⴰⵄⵉⴱⵔⵉ ⵙ ⵜⵓⵜⵍⴰⵢⵜ ⵜⴰⴳⵔⵉⴽⵜ. ⵉⴳⴰ ⵙⴳ ⵓⵥⵓⵕ ⴰⵍⵉⵔⵉ ⵜⴳ ⵜⴰⵏⵜⴰⵍⴰ ⵜⴰⵍⵉⵔⵉⵜ ⵜⵓⵜⵍⴰⵢⵜ ⵜⴰⵢⵎⵎⴰⵜ ⵏⵏⵙ. ⵉⵖⵔⴰ ⵜⵓⵜⵍⴰⵢⵜ ⵜⴰⵍⴰⵜⵉⵏⵜ ⴳ ⵜⵉⵏⵎⵍ, ⵉⵖⵔ ⵜⴰⴳⵔⵉⴽⵜ ⴷ ⵜⵄⵉⴱⵔⵉⵜ ⴳ ⵜⵖⵓⵔⵉⵡⵉⵏ ⵏⵏⵙ ⴷ ⵉⵎⵓⴷⴷⵓⵜⵏ ⵏⵏⵙ. ⵉⵎⵎⵓⵜ ⵊⵉⵕⵓⵎ ⴳ ⵜⴰⵎⴰ ⵏ ⵜⵎⴷⵉⵏⵜ ⵏ ⴱⴰⵢⵜ ⵍⴰⵃⵎ ⴳ 30 ⵛⵓⵜⴰⵏⴱⵉⵔ 420.
ⵜⴰⵖⵜⴰⵙⵜ ⵏ ⵜⵎⵜⵜⴰ ⵉⵎⵓⵏⵏ
ⵉⵣⵣⵔⵉ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⴰⵙⵙ ⵏ 24 ⵎⴰⵢⵢⵓ 2017 ⵜⴰⵖⵜⴰⵙⵜ 71/288 ⵏⵏⴰ ⵉⵥⵍⵉⵏ ⴰⵙⵙ ⵏ 30 ⵛⵓⵜⴰⵏⴱⵉⵔ ⴰⴷ ⵉⴳ ⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ, ⵉⵙⵙⵉⴽⵣ ⵙ ⵜⵉⵍⴰⵍⵜ ⵏ ⵓⵙⵓⵖⵍ ⴰⵣⵣⵓⵍⴰⵏ ⴳ ⵓⵏⵢⴰⵍⴽⴰⵎ ⴳⵔ ⵜⵎⵜⵜⴰ. ⵙⵙⴳⵎⴹⵏⵜ 11 ⵏ ⵜⵎⵓⵔⵜ ⵜⴰⵎⵔⴽⴰⵙⵜ ⵏ ⵜⵖⵜⴰⵙⵜ A/71/L.68: ⴰⵣⵔⴱⴰⵢⵊⴰⵏ, ⴱⴰⵏⴳⵍⴰⴷⵉⵛ, ⴱⵉⵍⴰⵔⵓⵙⵢⴰ, ⴽⵓⵙⵜⴰ ⵔⵉⴽⴰ, ⴽⵓⴱⴰ, ⵉⴽⵡⴰⴷⵓⵔ, ⴱⴰⵕⴰⴳⵡⴰⵢ, ⵇⴰⵟⴰⵕ, ⵜⵓⵔⴽⵢⴰ, ⵜⵓⵔⴽⵎⴰⵏⵉⵙⵜⴰⵏ, ⴷ ⴼⵉⵜⵏⴰⵎ.
ⵉⵙⴳⵓⵎⵏ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ
ⴰⵔ ⵜⵙⵜⴰⵢ ⵜⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ ⴽⵔⴰⵢⴳⴰⵜ ⴰⵙⴳⴳⵯⴰⵙ ⵢⴰⵏ ⵓⵙⴳⵓⵎ ⵉ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵙⵓⵖⵍ:
- 2014− ⵉⵣⵔⴼⴰⵏ ⵏ ⵜⵓⵜⵍⴰⵢⵜ: ⴰⵙⴰⵍⴰ ⵉ ⴽⵓⵍⵍⵓ ⵉⵣⵔⴼⴰⵏ ⵏ ⵓⴼⴳⴰⵏ.
- 2015− ⵓⴷⵎ ⵉⵜⵜⵏⴼⴰⵍⵏ ⵏ ⵓⵙⵓⵖⵍ ⴷ ⵓⴼⴰⵙⵔ.
- 2016− ⴰⵙⵓⵖⵍ ⴷ ⵓⴼⴰⵙⵔ: ⴰⵣⴷⴰⵢ ⵏ ⵉⵎⴰⴹⴰⵍⵏ.
- 2017− ⴰⵙⵓⵖⵍ ⴷ ⵓⵎⵢⴰⵏⴰⵡ.
- 2018− ⴰⵙⵓⵖⵍ: ⴰⵙⵓⵙⵙⵏ ⵙ ⵜⴰⵢⵙⵉ ⵜⴰⴷⵍⵙⴰⵏⵜ ⴳ ⵉⵣⵎⴰⵣ ⵜⵜⵎⵙⴽⴰⵍⵏⵉⵏ.
- 2019− ⴰⵙⵓⵖⵍ ⴷ ⵜⵓⵜⵍⴰⵢⵉⵏ ⵜⵉⵏⵚⵍⵉⵢⵉⵏ ⴳ ⵓⵙⴳⴳⵯⴰⵙ ⴰⴳⵔⴰⵖⵍⴰⵏ ⵏ ⵜⵓⵜⵍⴰⵢⵉⵏ ⵜⵉⵏⵚⵍⵉⵢⵉⵏ.
- 2020− ⵜⵉⴼⵉ ⵏ ⵜⴳⵓⵔⵉⵡⵉⵏ ⵉ ⵢⴰⵏ ⵓⵎⴰⴹⴰⵍ ⴳ ⵜⴰⵙⵙⴰⵙⵜ.
- 2021− ⵜⴰⵎⵓⵏⵜ ⴳ ⵓⵙⵓⵖⵍ.
- 2022− ⴰⵎⴰⴹⴰⵍ ⴱⵍⴰ ⵉⵡⵓⵜⵜⴰ: ⵜⵉⵍⴰⵍⵜ ⵏ ⵉⵎⵥⵍⴰⵢⵏ ⵏ ⵜⵓⵜⵍⴰⵢⵜ ⴳ ⵓⵥⴽⵓ ⵏ ⵜⴷⵍⵙⴰ, ⴰⵔⵎⴰⵙ, ⴷ ⵓⵙⵙⴷⵓⵙ ⵏ ⵓⴼⵔⴰ.
- 2023- ⴷⴰ ⵉⵜⵜⵣⵣⴼ ⵓⵙⵓⵖⵍ ⵓⴷⵎⴰⵡⵏ ⵎⵢⴰⵏⴰⵡⵏⵉⵏ ⵏ ⵜⴼⴼⵓⴳⵏⴰ.
ⴰⵢⵢⵓⵣ ⵎⴰⵙⵙ
ⴰⵢⵢⵓⵣ, ⵜⴰⵏⵎⵎⵉⵔⵜ ⵖⴼ ⵉⵙⵉⵙⴼⵉⵡⵏ