ⴽⵕⴰⴹⵜ ⵜⵖⴰⵡⵙⵉⵡⵉⵏ ⵣⴳⵍⵏⵉⵏ ⵏⵍⵎⴷ ⵜⵏⵜ ⴳ ⵜⵉⵏⵎⵍ
|
| ⵜⴰⵡⵍⴰⴼⵜ ⵙⴳ ⵖⵓⵔ ⴱⵉⵏⵣⵡⴰ ⴳ ⴼⵔⵉⴱⵉⴽ |
ⵏⵙⵙⵏ ⴰⴽⴽⵯ ⵎⴰⵙ ⴷ ⴰⵙⵍⵎⴷ ⴰⵎⵏⵣⵓ ⵉⵎⵎⵔⵡⴰⵙ ⴳ ⴽⵉⴳⴰⵏ ⵏ ⵜⵎⵏⴰⴹⵉⵏ ⵏ ⵓⵎⴰⴹⴰⵍ; ⴰⵔ ⴳⵉⵙ ⵜⵜⵍⵎⴰⴷⵏ ⵉⵏⵍⵎⴰⴷ ⴰⴳⵎⵎⴰⵢ ⴷ ⵓⵙⵉⴹⵏ, ⴽⵔⴰ ⵏ ⵉⵏⵖⵎⵉⵙⵏ ⵉⵎⴰⵜⴰⵢⵏ ⵖⴼ ⵓⴳⴰⵎⴰ ⴷ ⵜⴼⴽⴽⴰ ⵏ ⵓⴼⴳⴰⵏ, ⴷⴽⵔⴰ ⵏ ⵉⵔⵎⵎⵓⵙⵏ ⵉⵙⴰⵍⴰⵏⵏ ⵏ ⵜⴽⵔⵓⵔⴰ ⴷ ⵜⴼⵉⵣⵉⴽⵜ. ⵎⵇⵇⴰⵔ ⵏⵓⵙⵔ ⵜⵉⵖⴰⵡⵙⵉⵏ ⴰⵏⵏ ⵍⵍⵉ ⵏⵍⵎⴷ ⴳ ⵜⵉⵏⵎⵍ, ⵕⵡⵓⵏⵜ ⴰⵖ, ⵉⵇⵇⴰⵏ ⴷ ⴰⴷ ⵜⵏⴼⵍ ⵜⴱⵔⵉⴷⵜ ⴰⵏⵏ ⵜⴰⵣⴰⵢⴽⵓⵜ ⴳ ⵓⵙⵍⵎⴷ, ⴼⴰⴷ ⵜⵎⵙⴰⵙⴰ ⴷ ⵓⵣⵎⵣ ⴰⴷ ⴳ ⵏⵍⵍⴰ. ⵙ ⵓⵎⴷⵢⴰ, ⵍⵍⴰⵏⵜ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵣⴳⵍⵏⵉⵏ ⵏⵍⵎⴷ ⵜⵏⵜ ⴳ ⵜⵉⵏⵎⵍ, ⵏⴳⵡⵔ ⵜⵏ ⴱⵍⴰ ⵏⵙⵡⵉⵏⴳⵎ ⴳ ⵜⵉⴷⵜ ⴷ ⵓⵥⵓⵕ ⵏⵏⵙⵏⵜ.
ⵙⵎⵎⵓⵙⵜ ⵜⵓⴼⵔⴰⵢⵉⵏ
ⵙⵙⵍⵎⴷⵏ ⴰⵖ ⴳ ⵜⵉⵏⵎⵍ ⵎⴰⵙ ⵍⵍⴰⵏⵜ ⵙⵎⵎⵓⵙⵜ ⵜⵓⴼⵔⴰⵢⵉⵏ ⵖⵓⵔ ⵓⴼⴳⴰⵏ, -ⴰⴽⴹⵓ, ⵓⴹⵓⵚ, ⴰⵎⴹⴰⵢ, ⵉⵥⵕⵉ, ⴷ ⵓⵙⵖⴰⴷ- ⴽⵔⴰ ⵏ ⵜⵓⴼⵔⴰⵢⵜ ⵢⴰⴹⵏ ⵎⴽⵏⵏⴰ ⵜⵔⴰ ⵜⴳ ⵜ ⴰⵔ ⴰⵙ ⵜⵜⵉⵏⵉⵏ ⵜⵓⴼⵔⴰⵢⵜ ⵜⵉⵙ ⵚⴹⵉⵚⵜ. ⵎⴰⵛⵛ ⴰⵢⴰ ⵓⵔ ⵉⴳⵉ ⵜⵉⴷⵜ ⴷ ⵓⵍⴰ ⵢⴰⵥ ⴰⵙ.
ⵍⵍⴰⵏ ⵜⵓⴳⵜ ⵏ ⵉⵙⴽⴽⵉⵏⵏ ⴰⵔ ⵜⵏ ⵏⵙⵢⴰⴼⴰ ⵎⴰⵛⴰ ⵓⵔ ⴰⵎⵓⵏ ⴳ ⵜⵍⴳⴰⵎⵜ ⵏ ⵙⵎⵓⵙⵜ ⵜⵓⴼⵔⴰⵢⵉⵏ ⵍⵍⵉ ⵏⵍⵎⴷ ⴳ ⵜⵉⵏⵎⵍ. ⵣⵓⵏ ⴷ ⵍⴰⵥ ⴷ ⴼⴰⴷ; ⴰⵔ ⵜⵏ ⵏⵙⵢⴰⴼⴰ ⴽⵔⴰ ⵏ ⵜⵡⴰⵍ ⵎⵇⵇⴰⵔ ⵓⵔ ⴰⵔ ⵙⴰⵡⴰⵍⵏ ⵡⴰⴷⴰⵏ ⵏⵏⵖ ⵏⵉⵖ ⵉⵣⵡⴰ ⵉⵎⵉ ⵏⵏⵖ, ⴰⵛⴽⵓ ⴰⵏⵍⵍⵉ ⵏⵏⵖ ⴰⵔ ⵉⵜⵜⵏⵄⵉⵎⵉⵍ ⴷ ⵓⵙⵢⴰⴼⴰ ⵏ ⵍⴰⵥ ⴷ ⴼⴰⴷ ⵙ ⵜⵖⴰⵔⴰⵙⵉⵏ ⵏⴰⵃⵢⴰ ⵜⵏⵜ ⴷ ⵙⵎⵎⵓⵙⵜ ⵜⵓⴼⵔⴰⵢⵉⵏ ⵍⵍⵉ ⵏⵙⵙⵏ, ⵏⵉⵖ ⵏⵙⵢⴰⴼⴰ ⵜⵉⵎⵍⵉⵍⵍⴰⵢ, ⴷ ⵎⵏⵏⴰⵡⵜ ⵜⵖⴰⵡⵙⵉⵡⵉⵏ ⵢⴰⴹⵏⵉⵏ.
ⵉⴱⴹⴰ ⵢⵉⵍⵙ ⵖⴼ ⵎⵏⵏⴰⵡ ⵉⴷⵖⴰⵔⵏ ⵏ ⵓⵎⴹⴰⵢ
ⵏⵏⴰⵏ ⴰⵖ ⵎⴰⵙ ⵉⴱⴹⴰ ⵢⵉⵍⵙ ⵖⴼ ⵉⴷⵖⴰⵔⵏ ⵏ ⵓⵎⴹⴰⵢ, ⴽⵓ ⴰⴷⵖⴰⵔ ⵉⵥⵍⵉ ⵙ ⵓⵎⴹⴰⵢ ⵏ ⵢⴰⵜ ⵜⵖⴰⵡⵙⴰ; ⴰⴷⵖⴰⵔ ⵏ ⵓⵎⴹⴰⵢ ⵏ ⵜⵎⵉⵎⵉ, ⵡⵉⵏ ⵜⵎⵕⵥⵉⴳⵉⵏ, ⵡⵉⵏ ⵜⵎⴰⵔⴰⵖⵉⵏ, ⴰⵜⴳ.
ⴰⵢⴰ ⴰⴽⴽⵯ ⵉⴳⴰ ⵖⴰⵙ ⵜⵉⴽⵔⴽⴰⵙ ⴱⴱⵔⴽⵙⵏⵉⵏ, ⵓⵔ ⵉⵍⵍⵉ ⴽⵔⴰ ⵏ ⵡⴰⵏⵥⴰ ⵜ ⵉⵙⵙⵍⴽⵏⵏ. ⴰⵔⵎ ⴰⴷ ⵜⵎⴹⵉⴷ ⴽⵔⴰ ⵜⵖⴰⵡⵙⴰ ⵉⵎⵎⵉⵎ ⵙ ⵢⵉⵖⴼ ⵏ ⵢⵉⵍⵙ ⴷ ⵡⴰⵔⵉⵏ ⵏⵏⵙ, ⵜⴰⴹⴼⵉ ⵍⵍⵉ ⵜⵙⵢⴰⴼⴰⴷ ⴳ ⵢⵉⵖⴼ ⵏ ⵢⵉⵍⵙ ⴰⴷ ⵔⴰⴷ ⵜⵙⵢⴰⴼⴰⴷ ⴰⵡⴷ ⴳ ⵡⴰⵔⵉⵡⵏ ⵏⵏⵙ, ⵎⴽⴰⵏⵏ ⴷ ⵜⵉⴹⴼⵉⵡⵉⵏ ⴰⴽⴽⵯ.
ⵉⵕⵡⴰ ⵅⵉⵣⵣⵓ ⵉ ⵢⵉⵥⵕⵉ
ⵢⴰⵀ, ⵅⵉⵣⵣⵓ ⵉⵕⵡⴰ ⵉ ⵢⵥⵕⵉ ⴰⵛⴽⵓ ⵉⵍⵍⴰ ⴷⵉⴳⵙ ⴼⵉⵜⴰⵎⵉⵏ (ⴰ) ⵏⵏⴰ ⵉⴳⴰⵏ ⵓⵛⵛⵉⵍ ⴼⴰⴷ ⵉⴷⵓⵙ ⵉⵥⵕⵉ ⵏ ⵓⴼⴳⴰⵏ. ⵎⴰⵛⵛ ⵓⵔ ⵉⵍⵍⵉ ⴽⵕⴰ ⵏ ⵡⴰⵏⵥⴰ ⵉⵙⵙⵍⴽⴰⵏⵏ ⵎⴰⵙ ⴷ ⴰⵙⵙⵜⴼⵍ ⴳ ⵡⵓⵜⵛⵉ ⵏ ⵅⵉⵣⵣⵓ ⴰⵔ ⵉⵙⴽⴰⵔ ⵜⵓⵣⵣⴰⵏⵉⵏ.
ⵎⵇⵇⴰ ⵎⴽⴰⵏⵏ, ⵉⴼⵙⵔ ⵓⴷⴼⵔⵉⵔ ⴰⵡⵏⴳⵍⵉⵣ ⴳ ⵢⵉⵎⵉⵖ ⴰⵎⴰⴹⵍⴰⵏ ⵡⵉⵙ ⵙⵉⵏ ⵢⴰⵏ ⵓⵏⵖⵎⵉⵙ ⴰⵔ ⵉⵜⵜⵉⵏⵉ ⵎⴰⵙ ⴷ ⵉⵙⴰⵔⴷⴰⵙⵏ ⵏ ⵉⵏⴳⵍⵉⵣ ⴰⵔ ⵛⵜⵜⴰⵏ ⵅⵉⵣⵣⵓ ⵙ ⵜⵓⴳⵜ, ⴰⵢⵍⵍⵉ ⵜⵏ ⵢⵓⵊⵊⴰⵏ ⴰⴷ ⵏⵏ ⵥⵕⵕⴰⵏ ⵜⴰⵢⵍⴰⵍⵉⵏ ⵏ ⵓⵍⵉⵎⴰⵏ ⴳ ⵜⵓⴳⴳⵓⴳⵜ, ⴰⵔ ⵜⵏⵜ ⵉⴷ ⵜⵜⵍⵓⵃⵏ. ⵎⴰⵛⵛ ⵖ ⵜⴳⵉⵔⴰ, ⵉⴼⴰⵡ ⴷ ⵉⵙ ⵓⵔ ⵉⴳⵉ ⵓⵏⵖⵎⵉⵙ ⵜⵉⴷⵜ, ⴷ ⵉⵙⵔⴷⴰⵙⵏ ⵏ ⵉⵏⴳⵍⵉⵣ ⴰⵔ ⵙⵙⵎⵔⴰⵙⵏ ⵉⵕⴰⴹⴰⵕⵏ.
ⵙ ⵓⵙⴳⵣⵍ, ⵜⵓⴳⵜ ⵜⵖⴰⵡⵙⵉⵡⵉⵏ ⴳ ⵓⵣⵎⵣ ⴰⴷ ⵓⵔ ⴷⵜⵉⵏⵜ ⵎⵇⵇⴰⵔ ⵜⵏⵜ ⵎⴻⵏⵏⵓⵎ.
