ⵎⵓⵃⵎⵎⴰⴷ ⴰⴽⵓⵏⴰⴹ
ⵉⵍⵓⵍ ⵎⵓⵃⵎⴰⴷ ⴰⴽⵓⵏⴰⴹ ⴳ ⵓⵙⴳⴳⵯⴰⵙ ⵏ 1950 ⴳ ⵓⵙⵓⵏ ⵏ ⵜⵉⵖⵉⵔⵏ ⵜⴰⵎⴰ ⵏ ⵜⵎⴰⵏⴰⵔ ⴳ ⵜⵡⵙⵉⵜ ⵏ ⵉⵃⴰⵃⴰⵏ, ⵢⴰⵜ ⵙⴳ ⵜⵡⵙⵉⵜⵉⵏ ⵜⵉⵎⵇⵔⴰⵏⵉⵏ ⵏ ⵙⵓⵙ, ⵜⵍⵍⴰ ⴳⵔ ⵓⴳⴰⴷⵉⵔ ⴷ ⵎⵓⴳⴰⴷⵓⵔ ⴳ ⵜⵎⵏⴰⴹⵜ ⵏ ⵙⵓⵙ-ⵎⴰⵙⵙⵜ. ⵏⵜⵜⴰ ⴷ ⵢⵉⵊⵊ ⵙⴳ ⵉⵎⵖⵏⴰⵙⵏ ⵉⵎⴰⵣⵉⵖⵏ ⵉⵎⵇⵔⴰⵏⵏ, ⵢⵓⵙⵉ ⴰⵏⵣⴳⵓⵎ ⵏ ⵜⵎⴰⵣⵉⵖⵜ ⴳ ⵎⵏⵏⴰⵡ ⵏ ⵉⴳⵔⴰⵏ ⵙⴳ ⵣⵉⴽⴽ, ⵢⵓⵔⴰ ⵎⵏⵏⴰⵡ ⵏ ⵉⴷⵍⵉⵙⵏ ⵙ ⵜⵎⴰⵣⵉⵖⵜ, ⵉⵙⵡⵓⵔⵉ ⴰⵡⴷ ⴳ ⵉⴳⵔ ⵏ ⵜⵖⵎⵙⴰ ⵙⴳ ⵓⵙⴳⴳⵯⴰⵙ ⵏ 1993. ⵉⵙⵙⵖⵔⴰ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴳ ⵢⴰⵏ ⵓⵙⵉⵏⴰⵏ ⴳ ⵓⴳⴰⴷⵉⵔ, ⵉⴳ ⵢⴰⵏ ⴳ ⵉⴳⵎⴰⵎⵏ ⵓⵔⵎⵉⴷⵏ ⴳ ⵎⵏⵏⴰⵡⵜ ⵏ ⵜⵎⵙⵎⵓⵏⵉⵏ ⴰⵎ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ, ⴰⵢⵢⴰⵡ ⵏ ⵓⴳⴰⴷⵉⵔ, ⵜⴰⵙⴷⴰⵡⵉⵜ ⵏ ⵓⵏⴱⴷⵓ ⴳ ⵓⴳⴰⴷⵉⵔ, ⵜⴰⵣⵍⵖⴰ ⵏ ⵜⵉⵔⵔⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ ⴷ ⵜⵉⵢⵢⴰⴹ. ⵢⵓⵎⵥ ⵜⴰⵙⵎⵖⵓⵔⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⵓⵖⵍ ⴰⵙⴳⴳⵯⴰⵙ ⵏ 2006.
ⵜⴰⵎⵥⵉⵢⵜ ⴷ ⵜⵖⵔⵉ
ⵣⵓⵏ ⴷ ⴰⴽⴽⵯ ⵜⴰⵣⵣⴰⵏⵉⵏ ⴳ ⵡⴰⵡⵜⴰⵢ ⵏⵏⵙ, ⵉⴽⵛⵉⵎ ⵎⵓⵃⵎⵎⴰⴷ ⴰⴽⵓⵏⴰⴹ ⵙ ⵜⵎⵣⴳⵉⴷ ⵏ ⵓⵙⵓⵏ ⵣⵉⴽⴽ, ⴰⵔ ⴷⴳⵙ ⵉⵇⵇⴰⵔ ⵍⵇⵕⴰⵏ ⴰⵔ ⵍⵍⵉⴳ ⵜ ⵉⵃⵙⴰ ⵚⴹⵉⵚⵜ ⵜⵡⴰⵍ ⵎⵎⴹⴼⴰⵕⵏⵉⵏ. ⵉⴷⴷⵓ ⵉⵍⵎⵎⴰ ⵖⵔ ⵜⵎⴰⵏⴰⵔ ⵉⵙⵎⴷ ⴷⴳⵙ ⵜⵉⵖⵔⵉ ⵏⵏⵙ ⵜⴰⵎⵏⵣⵓⵜ ⴷ ⵉⵎⵉⴽⴽ ⵙⴳ ⵜⵖⵔⵉ ⵜⴰⵙⵉⵏⴰⵏⵜ.
ⴷⴳ ⵓⵙⴳⴳⵯⴰⵙ ⵏ 1965, ⵉⵎⵎⵓⴷⴷⴰ ⵎⵓⵃⵎⵎⴰⴷ ⴰⴽⵓⵏⴰⴹ ⵙⴳ ⵜⵎⵣⵉⵔⵜ ⵏⵏⵙ ⴰⴼⴰⴷ ⴰⴷ ⵉⴹⴼⵕ ⵜⵉⵖⵔⵉ ⵏⵏⵙ ⴳ ⵓⵙⵉⵏⴰⴳ ⴰⵏⵙⵍⵎ ⵏ ⵜⵔⵓⴷⴰⵏⵜ ⵏⵏⴰ ⵉⵜⵜⵓⵙⵙⴰⵏⵏ ⴳ ⵜⵎⴷⵉⵏⵜ ⵏ ⵜⵔⵓⴷⴰⵏⵜ ⴰⴽⵓⴷ ⴰⵏⵏ, ⴰⵙⵉⵏⴰⴳ ⵏⵏⴰ ⴳ ⵙⵙⵓⴼⵖⵏ ⵎⵏⵏⴰⵡ ⵉⵎⵖⵏⴰⵙⵏ ⵉⵎⴰⵣⵉⵖⵏ, ⵣⵓⵏ ⴷ ⵃⵎⴰⴷ ⴰⴷⵖⵔⵏⵉ, ⵃⴰⵙⴰⵏ ⵉⴷ ⴱⵍⵇⴰⵙⵎ ⴷ ⵡⵉⵢⵢⴰⴹ.
ⵎⵓⵃⵎⵎⴰⴷ ⴰⴽⵓⵏⴰⴹ ⴳ ⵜⵖⵎⵙⴰ
ⵉⴳⴳⵓⵜ ⵎⴰ ⴰⵢⴷ ⵉⵙⵙⵏⵏ ⵎⴰⵙ ⵉⴳⴰ ⵎⵓⵃⵎⵎⴰⴷ ⴰⴽⵓⵏⴰⴹ ⵢⴰⵏ ⵙⴳ ⵉⵎⴰⵔⴰⵜⵏ ⵉⵎⴰⵣⵉⵖⵏ ⵉⵎⵇⵇⵔⴰⵏⵏ, ⵉⴳ ⴰⵡⴷ ⴰⵎⴳⴳⴰⵢ ⴰⵏⴰⵎⵓⵏ ⵓⵔⵎⵉⴷ ⴳ ⵎⵏⵏⴰⵡⵜ ⵜⵎⵙⵎⵓⵏⵉⵏ. ⵎⴰⵛⵛ ⵉⴷⵔⵓⵙ ⵎⴰ ⴰⴷ ⵉⵙⵙⵏⵏ ⵎⴰⵙ ⵉⴳⴰ ⴰⵡⴷ ⴰⵏⵖⵎⴰⵙ ⴷ ⵓⵎⵙⵙⵏⴽⴷ ⵏ ⵜⴰⵡⵙⵙⵏⴰ ⵜⴰⵎⴰⵣⵉⵖⵜ ⵏⵏⴰ ⵉⴳⴰⵏ ⵢⴰⵏ ⵓⵙⴰⵢⵙ ⵉⵎⵓⵔⵙⵏ ⴳ ⵓⵏⵣⵡⴰⵢ ⴰⵏⵎⵏⴰⴹ ⵏ ⵓⴳⴰⴷⵉⵔ ⵙⴳ ⵓⵙⴳⴳⵯⴰⵙ ⵏ 1993.
ⵢⵓⴳⴳⴰ ⴷ ⵎⵓⵃⵎⵎⴰⴷ ⴰⴽⵓⵏⴰⴹ ⵙ ⵓⴳⴷⵓⴷ ⴰⵡⴷ ⴳ ⵜⴱⴰⴷⵓⵜ ⵏ ⵜⵎⴰⵣⵉⵖⵜ (ⵜⵉⵙⵙ ⵜⴰⵎⵜ) ⵙ ⵓⵣⵓⵣⵣⵔ ⵏ ⵉⵏⵣⴰⵏ ⴷ ⵉⵏⵓⵎⴰⴽ ⵏⵏⵙⵏ ⴳ ⵢⴰⵏ ⵓⵙⴰⵢⵙ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⵏⵏⴰ ⵜⵣⵣⵔⴰⵢ ⵎⴰⵙⵙⴰ ⵅⴰⴷⵉⵊⴰ ⴰⵔⵓⵀⴰⵍ.
ⵉⴷⵍⵉⵙⵏ ⵏ ⵎⵓⵃⵎⵎⴰⴷ ⴰⴽⵓⵏⴰⴹ
ⵓⵏⴳⴰⵍ
- ⵜⴰⵡⴰⵔⴳⵉⵜ ⴷ ⵢⵉⵎⵉⴽ, 2002, ⵉⵙⵙⵓⵖⵍ ⵜ ⵍⵃⵙⵏ ⵏⴰⵛⴼ ⵙ ⵜⴼⵕⴰⵏⵚⵉⵚⵜ ⵉⴳ ⴰⵙ ⵙ ⵓⵣⵡⵍ "Un Youyou dans la Mosquée".
- ⵉⵊⵊⵉⴳⵏ ⵏ ⵜⵉⴷⵉ, 2006.
- ⵜⴰⵎⵓⵔⵜ ⵏ ⵉⵍⴼⴰⵡⵏ, 2012.
- ⴰⵖⵢⵓⵍ ⵏ ⵡⵓⵔⵖ, ⵉⵙⵙⵓⵖⵍ ⵜ ⵖⵔ ⵜⵎⴰⵣⵉⵖⵜ ⵏⵜⵜⴰⵏ ⴷ ⵎⵓⵃⵎⵎⴰⴷ ⵓⵙⵓⵙ.
ⵜⵓⵍⵍⵉⵙⵜ (ⴰⵙⵓⵖⵍ ⵏ ⵜⵓⵍⵍⵉⵙⵉⵏ ⵙⴳ ⵜⵙⴽⵍⴰ ⵜⴰⵔⵓⵙⵉⵜ.)
ⵜⴰⵖⵓⴼⵉ ⵏ ⵓⵎⵉⵢⵏ, 2015.
- ⴼⴰⵙⵉⵍⵢⴰ ⵜⴰⴼⴰⵍⴽⴰⵢⵜ, 1996.
- ⵜⵉⴷⴷⵓⴽⵍⴰ
- ⴳⴰⵔ ⵜⴰⴳⵯⵎⴰⵜ
- ⵜⵉⵎⵉⵍⵍⴰ ⵉⴼⵔⵙⵏ
ⵜⴰⵎⴷⵢⴰⵣⵜ
- ⵜⴰⵎⵖⵔⴰ ⵏ ⵓⴳⴳⴰⵏⵉ, 2019.
ⴰⵔ ⴱⴷⴷⴰ ⵖⵉⴼⵙ ⵙⵙⴼⵍⵉⴷⵖ ⵎⴰⵛⴰ ⵖⵉⵍ ⵜⴼⴰⵡ ⵜⵡⵍⴰⴼⵜ ⵏⵏⵙ ⴳ ⴷⴰⵔⵉ.
ⴰⵢⵢⵓⵣ
ⴰⵢⵢⵓⵣ