ⵉⴳⵉⵡⵔ ⴳ ⵜⴰⵇⵇⴰⵇⵜ - ⵢⴰⵜ ⵜⵓⵍⵍⵉⵙⵜ ⵙⴳ ⵜⵙⴽⵍⴰ ⵜⴰⴽⵓⵔⵉⵜ
|
| ⵜⴰⵡⵍⴰⴼⵜ ⵙⴳ ⵖⵓⵔ ⵔⴰⵊⵉⴼ ⴱⴰⵊⴰⵊ ⴳ ⴰⵏⵙⴱⵍⴰⵛ |
ⵉⴷⴷⴰ ⵢⴰⵏ ⵉⵎⵣⵣⵏⵣⵉ ⵏ ⵉⵎⴰⵙⵙⵏ ⵏ ⵜⵉⵔⵔⴰ ⴷ ⵡⵓⵏⵓⵖⵏ ⵖⵔ ⵢⴰⵜ ⵜⵉⵏⵎⵍ ⴳ ⵢⴰⵏ ⵡⵓⵙⵓⵏ, ⵢⵉⵡⵉ ⴰⴳⵉⴷⵙ ⵜⵉⴽⵕⴹⴰⴹⵉⵏ ⴷ ⵉⵖⴰⵏⵉⴱⵏ ⴷ ⵉⴽⵯⵍⴰⵏ ⴷ ⵜⴼⵔⵜⵉⵏ.ⴰⵍⵍⵉⴳ ⵏⵏ ⵉⴳⵓⵍⴰ ⵜⵉⵏⵎⵍ, ⵢⵓⴼⴰ ⵏⵏ ⵉⵏⵍⵎⴰⴷⵏ ⴰⵔ ⴰⵇⵔⴰⵏ ⵉⴷⵍⵉⵙⵏ ⵏⵏⵙⵏ, ⴳⴰⵡⵔⵏ ⴰⴽⴽⵯ ⴳ ⵓⵎⴰⵍⵓ ⴰⵎⵔ ⵢⴰⵏ ⵉⵙⵓⵎⵎⵔ ⵜⴰⴼⵓⴽⵜ.
ⵙⵇⵙⴰ ⵉⵎⵣⵣⵏⵣⵉ ⴰⵔⴱⴰ ⵏⵏⴰ ⵉⴳⴰⵡⵔⵏ ⴳ ⵜⴰⴼⵓⴽⵜ:
- ⵎⵏⵛⴽ ⴰⵢⴷ ⵖⵓⵔⴽ ⵉⵍⵍⴰⵏ ⴳ ⵡⴰⵡⵜⴰⵢ?
- ⵖⵓⵔⵉ ⵙⴰ ⵉⵙⴳⴳⵯⴰⵙⵏ.
- ⵎⴰⵖ ⴰⵍⵍⵉⴳ ⵜⴼⵍⴷ ⵉⵎⴷⴷⵓⴽⴽⴰⵍ ⵏⵏⴽ ⵉⵏⵍⵎⴰⴷⵏ ⴰⵔ ⴰⵇⵔⴰⵏ ⵉⴷⵍⵉⵙⵏ ⵏⵏⵙⵏ ⴳ ⵓⵎⴰⵍⵓ ⵉⵣⵓⵣⵡⴰⵏ, ⴰⵔ ⵜⴰⵇⵔⴰⵜ ⴽⵢⵢ ⵡⵉⵏⵏⴽ ⴳ ⵜⴰⵇⵇⴰⵇⵜ?
ⵉⵙⵙⴼⴹ ⵓⵔⴱⴰ ⵜⵉⴷⵉ ⴳ ⵢⵉⴳⵏⵣⵉ ⵏⵏⵙ, ⵉⵔⴰⵔ ⵖⴼ ⵉⵎⵣⵣⵏⵣⵉ ⵙ ⵓⵛⵍⵓⵍⴼ:
- ⴰⵔ ⴰⵇⵔⴰⵖ ⴰⴷⵍⵉⵙ ⵉⵏⵓ ⴳ ⵜⴰⵇⵇⴰⵇⵜ ⴰⵛⴽⵓ ⵜⴳⴰ ⵜⵡⵊⴰ ⵉⵏⵓ ⵜⴰⵎⵥⵍⵓⴹⵜ, ⵉⴳ ⴱⴰⴱⴰ ⴰⵅⴷⴷⴰⵎ ⵙ ⵜⵖⵔⴰⴷ, ⵓⵔ ⴷⴰⵔⵙ ⵉⴳⵔⴰⵏ ⵓⵍⴰ ⵜⴰⵃⴰⵏⵓⵜ. ⴰⵔ ⵏⵏ ⵉⵜⵜⴳⴳⴰ ⵜⵓⴳⴳⴰⵙ ⵏⵏⵙ, ⵉⵙⵡⵓⵔⵉ ⴳ ⵜⴰⵇⵇⴰⵇⵜ, ⴼⴰⴷ ⵉⴼⵔⵓ ⴰⵜⵉⴳ ⵏ ⵜⵉⵏⵎⵍ ⴷ ⵉⵎⴰⵙⵙⵏ ⵏⵏⴰ ⵙⵙⵎⵔⴰⵙⵖ ⴳ ⵜⵖⵔⵉ ⵉⵏⵓ ⵙ ⵜⵉⴷⵉ ⵏ ⵢⵉⴳⵣⵉ ⵏⵏⵙ.
ⵢⵓⵍⵖ ⵓⵎⵣⵣⵏⵣ ⴰⵔⴱⴰ ⵖⴼ ⵜⵉⵖⵉⵙⵜ ⵏⵏⵙ ⴷ ⵜⵓⴼⵔⴰⵢⵉⵏ ⵏⵏⴰ ⵢⵓⵙⵉ ⵉ ⴱⴰⴱⴰⵙ, ⵉⴼⴽ ⴰⵙ ⵉⵖⴰⵏⵉⴱⵏ ⴷ ⵉⴽⵯⵍⴰⵏ ⵏⵏⴰ ⴰⴽⴽⵯ ⴷⴰⵔⵙ ⵉⴼⵓⵍⴽⵉⵏ.
ⵉⵖⵓⴷⴰ
ⵉⵖⵓⴷⴰ ⵓⵔⴱⴰ ⴰⴷ, ⵎⴰⵛⵛ ⴰⵜ ⴱⴰⴱⴰⵙ ⴰⵔ ⵉⵙⵡⵡⵔⴰⵢ ⴳ ⵜⴰⴼⵓⴽⵜ ⴰⴼⴰⴷ ⴰⴷ ⵉⵇⵇⵉⵎ ⵏⵜⵜⴰ ⴳ ⵓⵎⴰⵍⵓ :)